QWAI CIKIN QWAI

Abubuwan da za a bukata
• kwai
• Magi
• Hanta
• Kori
• Albasa
• Attarugu
• Man gyada
• Leda
Hadi
A samu kwai kamar guda biyar. Sai a wanke su da soso da sabulu. Sannan a kula domin kada kwan ya fashe. Idan an gama wankewa, kuma an dauraye sai a ajiye shi a gefe. A wanke hanta sannan a sulala shi da albasa ya nuna ya yi laushi sosai. Sannan a yayyanka shi kanana sosai a ajiye a gefe. A jajjaga attarugu, shi ma a ajiye a gefe. A yayyanka albasa kanana sosai a ajiye.
A samu kwan nan da aka wanke a dan bantare samansu kadan ba tare da an fasa bawon ba. Sannan sai a zazzage ruwan a kwano. A zuba yankakkiyar hantar da albasar da jajjagaggen attarugu da magi sannan sai a kada su. A zuba magi da kori kadan. In ana cin tafarnuwa ma sai a dan zuba garinta kadan, sannan a sake kada kwan.
Bayan haka, sai a diga man gyada kadan a cikin kwan sannan a zuba wannan ruwan kwan da aka yi wa hadin a bawon kwan a saka a leda a kulle shi, yadda ruwan kwan ba zai zuba ba.
A dora ruwa a wuta. Bayan ruwan ya tafasa, sai a zuba wannan kullallen kwan a cikin ruwa. Sai a rufe a jira na tsawon minti takwas. Sannan a saka kwan a ruwan sanyi sai a bare. Za a iya cin wannan kwan da farar shinkafa, ko kuma da dafa-dukan shinkafa.

Comments

Zainab said…
tnx
22 March 2016 at 02:12
Post a Comment

Popular posts from this blog

SAMOSA

Image
 SAMOSA Kayan hadi:- •Filawa •Butter •Gishiri •Mai •Nikakken nama •Albasa •Koran tattasai •White pepper •Thyme •Curry YADDA AKE HADAWA kwaba filawa da mai ko butter,gishiri da ruwa kamar na meat pie. rufe ajiye har zuwa minti 20. raba filawa gida 4. murza vari daya kan katakwan yanke yanke (Chopping board) har sai tayi lafai-lafai. kada yayi kauri sai a shafa man gyada akai da burushi irin na masu fenti dan karami (Pastry brush). sake dauko wani varin na filawa murza shi kamar yadda aka yiwa na farko.dura shi saman wancan da kika shafawa mai kuma murzawa.itama shafa mata mai.haka za ki tayi har agama gaba daya (ana shafa mai dan kada su manne da jikin su). idan anzo na karshe sai asa filawa. shafa mai a cikin tire irin wanda ake dora cake aciki. dauki kwabin a hankali daura kan tiren. kunna oven ki matsa kaicin zafi (moderate) har zuwa minti 20. Ko kuma idan anga ya fara dagowa yana rabuwa da junansa. fito dashi sai a yanka gida biyu dai dai. sai a nadeshi kamar kwakkwaro zuba ...
Read more

SNACKS

SAVOURY SNACKS: CONTENT: potato balls Yam balls Meat balls Flour balls Plantain balls Chicken balls Rice balls Indian balls Spring rolls Fish rolls Meat rolls Cabbage rolls Sausage rolls Casse role POTATO BALLS: kayan hadi: Dankali10 Nikakken nama Albasa 1 Attarugu 2 Kwai 2 Tafarnuwa Curry Maggi Gishiri Yadda ake yi: A tafasa dankali a bubbuga shi yayi laushi tubus. Sai a yanka albasa da attarugu a ciki. A zuba nikakken nama da maggi da gishiri da curry da tafarnuwa (idan ana bukatarta) a cakuda a hankali sai a dundunkula kamar kwallo (dai-dai girman da ake bukata.) A fasa kwai a kada, sai a rika tsoma cure-curen dankalin a ciki sannan a soya a ruwan mai. YAM BALLS: Kayan yadi: Doya 1 Nikakken nama Kwai 4 Albasa 4 Attarugu 4 Mai Maggi Gishiri Curry Yadda ake yi : A dafa doya sannan a bubbuga ta tayi laushi sai a hada ta da nikakken nama, a yanka albasa da attarugu, a zuba maggi, curry da gishiri. A motsa sosai sannan a rika curawa kamar kwallo, sai a tsoma a cikin ruwan kwai sannan a s...
Read more